Ingurumena eta animaliak

Hauxe da 3. mailakoen hurrengo proiektua: Ingurumena eta animaliak. Gertutik bizi dudan zerbait da, proiektu horren sorketak beste bat naizela sentitzen naiz. Aportazioak egiten ditut, tutoreenak entzun eta guztien artean forma ematen diogu. Hasiera besterik ez da, baina hurrengo asterako lana definitzea lortu dugu, aurreko proiektuarekin lotura bidereatzen aritu gara, testua nola landu, zenbateraino landu lotura? Hori izan da aspektuetako bat, gomendioa, gehiegi ez luzatea, astebete agian, lotura izanik ikasleek aurreiritziak eta gaiari buruz jakin nahi dutena ezagutzeko baliagarria izan dadila. Eskemak egin, edukiak zehaztu, azken xedea edo xedeak definitu...mahai gainean gauza asko irten dira, horien arteko lotura bilatzeko 5 pertsona egon gara.


Irakasleek erabakia hartu behar dute, hori da proiektuak daukan alderdi onenetako bat, gaiaren arabera zer landu erabaki daitekeela, hurrengo proiektuetarako zer geratuko den garbi izanik. Malgutasuna aldeko tresnatzat hartu behar da, garbi ikusten ez dena ez landu, zentratu garrantzitsua den horretan. Argazki orokorra egina dago, orain martxan jartzeko momentua da. Animo neskak!!

Kosmodisea ere bai!

3. zikloan Kosmodisean parte hartuko dute. Gabonetako oporren aurretik konpromezua hartu zuten eta atzoko egunean horri buruz aritu ginen. Kosmodisean emandako urteek erraztu egiten dute kudeaketa eta proiektuaren azalpena. Kosmodisean aukeratzeko dauden gaien artean ingurunearekin erlazio dutena aukeratu dute. Kosmodisea teknologiako klaseetan egiteko proiektua izango da, baina hurrengo proiektuarekin, eta ohiko klasean egingo den hurrengoarekin harreman estua izango du. Proiektuekin lan egitean mailako irakasleak eta ikasgaiak gai berdinaren inguruan lan egitea eta ikasleentzat irakasgaien arteko lotura bermatzea laguntzen du. Irakasgaien arteko globaltasuna eta mailan norabide berean aritu eta martxan jartzen diren proiektu guztiak erlazionatzea oso pausu garrantzitsua da, hala nola, agenda 21 eta ihauterien gaia.
Antolaketari dagokionez eta astean zehar informatika gelan dituzten orduak ondo aprobetxatzeko, 3. mailakoek talde bakarra osatuko dute (50 ikasleko taldea izango da). Informatikako saioak astero 4 ordu izango dira eta dena aprobetxatuko da Kosmodiseako lanak guztien artean egiteko. Talde osoaren lana izango da: erronka polita!!
Irakasleek elkarren arteko lana egingo dute, informatika gelan egiten den hori ohiko gelan egiten denarekin erlazioa izanik eta batzuk eta besteek gaia konpartitu eta xedea elkarrekin lortzeko. Nire laguntza ere hor egongo da, ahal dudan guztian baina batez ere asteroko eginbehar horretan, gainontzekoa eskolako irakasleek eman beharko dute aurrera, kapazak eta ondo egingo dituztela ziur naiz. Animo neskak!!