Tresna berriei buruz

Proiektuen nebulosan erabat sarturik, behar berriak ikusten dira. Tresna berriak erabiltzeko beharrak, gaurko egunean blogei buruzko saioa egitera bideratzeko asmoa zegoen. Ziklo mailan blog bat irekitzearen ideiarekin, irakasleek horri buruzko ezagutza behar dute. Lehenik eta behin blogaren zentzua zein izango da zehaztea da, hau da, galdera bati erantzutea: zertarako nahi dugu bloga? Bertan igoko diren edukiak zeintzuk izango diren eta zein asmorekin egingo den zehaztu behar da, hau da, bilatu aitzakia bloga erabiltzeko, baina zentzua emanez. Guztien artean adostu beharreko zerbait izango da. Nork idatziko duen bertan, zein maiztasunarekin egingo den, zer beste tresna beharko diren esaterako bideoak edo bestelako aurkezpenak igo nahi badira. Goian "asmoa" aipatu dut, azkenean ez da horrela izan, bloga izatearen kontu hori lan gehiago dela komentatu da, idaztearen konpromezuak atzera bota ditu irakasleak. Nire hausnarketa hauxe da, zailena ez da idazteko konpromezua, bloga beteko duen edukiak egitea baizik.

Egoera honen aurrean ebaluaketari buruz hitz egin dugu. Ebaluatzeko aukera desberdinak aurkeztu dira eta horiek aurrera eramateko tresnak ere bai. Lau modu nagusi daude ebaluaketa bideratzerakoan:

- Errubrikak
- Aurkezpenak - debateak - galderetarako momentuak
- Lan koadernoa
- Behaketa

Eguneroko lanetik ebaluaketerako aintzat hartuko dena jaso behar da. Bukaerarako utzi ordez, irakasleek estrategia desberdinak martxan jarri behar dituzte. Denbora ondo aprobetxatu behar da, efektibotasuna bilatzen joan, beste lankideak ere inplikatu. 

Olinpiadak aurrera doaz!!!

Asteazkenean aukera izan genuen elkarrekin lan egiteko. PIF saioak alde batetara utzi eta "a pie de cañón" egon ginen kirolen inguruko proiektua aurrera ateratzen. Irakasleak kontziente izanik zeintzuk diren hutsuneak, esperientzia faltagatik eta bestelako egoerengatik ere, lan egiteko modua topatu dute. Proiektuen prestaketa egiten denean, modu askotara egin daiteke, teorioan pausu batzuk jarraitu behar badira ere, konturatu naiz pausu horiek kontuan hartzen badira ere beste modu batzuk badaudela proiektuak definitzeko. Irakasleei eroso dauden lan egiteko moduak balio die, aurrera egiten dutela ohartzen baitira eta astero zer landuko den zehazten dutelako. Irakasle bakoitzak ez du berdina egiten, bere estrategia eta teknikak garatzen ditu, aberastu egiten du proiektua eta malgutasun horrek eskaintzen dizkion aukerak aprobetxatzen dituelako. Konpartitu egiten ditu, horien onurak aztertzen dira, beste proposamenak ere luzatzen dira. Ikuspuntu desberdinak elkarrekin aztertzen dira, zalantzak mahai gainean jartzen dira. Orokorrean sentsazio bat, aurrera doaz, gauzak garbiago dituzte, nahiz eta oraindik hobetzeko tartea ere beharko duten. Niri dagokidanez, egiten dituzten asteroko planifikazioak proiektuan idatziko dut, laguntzea batzuetan da erraza, baina horrelako lanak ere beharrezkoak dira. Hurrengo asteko PIF saioan ebaluaketari buruz hitz egingo dugu.

Proiektuan definitzerakoan aintzat hartu beharrekoa

Aste honetako saioan proiektuen definizioan zer nolako pausuak eman behar diren zehaztu dugu. Egia da proiektuak irakasle edo ikasleen partetik formulatuak egon daitezkela eta kasu honetan 2. zikloan bat eta bat dugu. Orokorrean hauexek dira aspektu garrantzitsuenak fase bakoitzean: 1.- Gaiaren aukeraketa: Gaia aukeratzen denean batik bat honako hiru alderdiak aztertu. Ikasleentzat interesgarri den, garrantzi sozialeko gaia den eta curriculumean duen kokapena. 2.- Edukien azterketa: Gaia bideratzen duten elemtu guztiak (curricularrak, zeharkakoak, etab.) eskema batean jarri 3.- Ezagutzen errebisioa: irakasle taldeak gaiaren dossierra egin behar du (grafikoak, testuak, irudiak, mapak, artikuluak, etab.) 4.- Analisi didaktikoa: ikasleen dakitena eta ezagutu eta landu beharko luketena (adierazleak eta konpetentziak) identifikatu behar da. 5.- Diseinu didaktikoa: Jarduera sekuentziaren diseinua proiekturekin erantzun nahi diren galderek lagunduta.

Proiektuekin lanean

Proiektuekin lan egin ahal izateko, oinarri teoriko eta pedagogikoak zeintzuk diren jakitea beharrezkoa da. Orokorrean ez gara asko urruntzen proiektu bidez hitz egiten dugunean horrek inplikaten duenaz, baina komenigarria da hori guztia aztertu eta ildo nagusiak zein diren zehaztea hobeto funtzionatu ahal izateko. Hemen duzue erabiltzen ari garen aurkezpen multimedia. Gogoratu aldaketak egiten direla eta eguneratu egiten dela. 

Proiektu bidezko ikaskuntza on Prezi

Blog honen funtzioa

Espazio honetan, urtean zehar egin dugun horren ibilbide azalduko da. Jarduera desberdinekin proiektuak nola egin eta horiek gelan nola aurrera eraman ikasiko dugu. Tarte honetan nondik norakoak zeintzuk izan diren azaldu eta hortik ikasi duguna idatziko dugu paper-zorroan. Ziklo bakoitzak berea egingo du, baina gauzak konpartitzen direnez, blogaren orrialdea izango da amankomunak diren dokumentuak eta bestelakoak konpartitzeko gunea.

Zuen laguntza ere beharrezkoa da blog hau aurrera eramateko. Bertan sarrerak edo komentarioak eta bestelako errekurtsoak ere sartu ditzakezue. Pixkanaka zuek ere blogen mundu honetan trebatzen eta batez ere zentzua hartzeko proposamena da.